Davíð firrir Landsbankann ábyrgð.

Textavarpið segir:

Hann segir að þegar Landsbankinn hafi farið af stað með innlánsreikningana, fyrst í Bretlandi og síðan í Hollandi, hafi hann margoft látið stjórnendur Landsbankans vita að engin ríkisábyrgð væri á þessum innlánum. Davíð telur Íslendinga ekki skylduga til að greiða þessar innistæður. (Undirstrikun mín.)

Af hverju í ósköpunum hefði Landsbankinn átt að gera einhverjar ráðstafanir? Eins og t.d. að stofna dótturfyrirtæki frekar en útibú í Hollandi og Bretlandi. Seðlabankastjóri sjálfur var jú búinn að segja þeim, margoft,  að það væri engin hætta á því að íslenska þjóðin lenti í vandræðum út af þessu. Takk Davíð.

Sofandaháttur

Ef Björgólfur fer með rétt mál ogg Tryggvi hefði nú bara vakið Geir. Þá væri kannski bara enginn Icesave vandi á Íslandi.

Icesave kostar minnst 300 milljarða

Tímasóun á tímasóun ofan

Ég dvel ekki langdvölum við Alþingissjónvarpið en nóg hef ég samt séð. Um daginn var flutt frumvarp um Lánasjóð íslenskra námsmanna (LÍN). Pétur Blöndal steig í pontu og eyddi talsverðum tíma í að rifja upp gamlar minningar. Þá kom Birkir Jón Jónsson og ræddi frumvarpið og í beinu framhaldi (að hans mati) ræddi hann líka um Icesave samninginn. Ég velti því einmitt fyrir mér að hann væri kominn út fyrir fundarefnið og af hverju hann væri ekki stoppaður.

Ég sá líka þessa uppákomu með auðmanninn Sigmund Davíð og finnst Ásta Ragnheiður hafa brugðist hárrétt við. Það verður að stoppa þennan kjaftavaðal. Það getur vel verið að þetta hafi tíðkast í gegnum tíðina en það eru breyttir tímar.

Það eru ekki bara  Framsóknarmenn sem þurfa að taka sig á. Það fer allt of mikill tími í flokkadrætti og lítilfjörlegar þrætur á þinginu. Þetta fólk virðist bara alls ekki skilja það að það er í vinnu hjá þjóðinni. Feitur launaseðill byrgir mörgum sýn.

Óásættanleg framkoma forsetans

Vanrækslugjaldið

Bíllinn minn á að fara í skoðun í mars. Ég fór ekki með hann í skoðun í mars. Hins vegar fór ég með hann í umfelgun og olíuskipti 4. maí. Í það skipti vildi ég líka láta athuga púströrið því í því voru undarleg hljóð. Það var ekki hægt að laga púströrið í það skiptið því það vantaði í það varahlut sem ekki var til. Best að taka það fram núna að ég bý úti í sveit og Húsavík er næsti kaupstaður þar sem verkstæðið mitt er staðsett. Bíllinn er fjarverandi í heilan dag þegar hann fer á verkstæði. Á þessum tíma var ég að kenna og strákurinn hjá dagmömmu og ég þurfti að sækja hann á hverjum degi. Svo ég ákveð að fresta frekari viðgerð þar til ég er komin í sumarfrí.
Ég hélt að ég hefði 3 mánuði upp á að hlaupa með skoðunina. Það er víst ekki rétt og fékk og bréf frá Innheimtumanni Ríkissjóðs í fyrradag þar sem mér er tjáð að á mig sé fallið vanrækslugjald þar sem sjálfrennireið mín sé enn óskoðuð.7.500,- ef ég fer í þessum mánuði annars 15.000,- Ókey. Shit happens.
Ég veit að ég fæ ekki skoðun á bílinn með pústið svona svo ég hringi á verkstæðið og spur eftir varahlutnum. Hann er ókominn og fæst ekki. Svo ég verð að fara með bílinn svona í skoðun og fá á hann endurskoðun. En, hvað geri ég ef varahluturinn er ekki kominn í næsta mánuði? Ég hringi í Lögreglustjórann á Bolungarvík og tala þar við afskaplega kurteisa og elskulega konu. Niðurstaðan er sú að verði varahluturinn ekki kominn þá verð ég að taka bílinn af númerum fyrir 1. júlí ef ég vil komast hjá frekari vanrækslugreiðslum. Já, 20 kílómetrar í næstu verslun og engar almenningssamgöngur.
Ég er ekki alveg fullkomlega sátt við þetta.

Góð saga

Ester er bareigandi í Berlín. Til þess að auka veltuna ákvað hún að leyfa dyggum viðskiptavinum — sem flestir eru atvinnulausir alkar — að drekka út á krít.

Hún skráir allt sem drukkið er í þykkan kladda. Þegar þetta þægilega fyrirkomulag spyrst út þá flykkjast nýir viðskiptavinir á barinn. Frelsi fólks til þess að njóta augnabliksins og borga seinna gefur Ester valið tækifæri til þess að hækka verðið á vinsælustu veigunum, bjór og víni

Salan eykst gífurlega. Ungur og efnilegur lánafulltrúi í hverfisbankanum gerir sér grein fyrir að þessar skuldir viðskiptavinanna eru framtíðarverðmæti. Hann hækkar því yfirdráttarheimild Esterar í bankanum. Lánafulltrúinn telur þetta vandræðalaust vegna þess að skuldir alkanna eru haldgóð veð.

Í höfuðstöðvum bankans breyta sérfræðingar í æðri peningalist þessum viðskiptaskuldum í Drykkjuskuldabréf, Alkabréfavafninga og Gubbuafleiður. Þessi verðbréf — sem virt áhættumatsfyrirtæki hafa (gegn þóknun) stimplað AAA gæðastimpli — ganga síðan kaupum og sölum út um allan heim. Raunverulega skilur enginn hvað nöfn bréfanna þýða eða hvernig þau eru tryggð. Samt sem áður halda þau áfram að hækka. Þau eru metsöluvara.

Einn góðan veðurdag, þrátt fyrir að bréfin séu enn á uppleið, þá ákveður áhættusérfræðingur bankans að nú sé tímabært að drykkjuhrútarnir á bar Esterar borgi eitthvað upp í skuldirnar. Þeir geta það hins vegar ekki. Ester getur því ekki staðið í skilum við sína skuldunauta og lýsir yfir gjaldþroti. Drykkju- og Alkabréf falla um 95%. Gubbubréfin gera betur og ná stöðugkeika eftir 80% fall. Nýr veruleiki blasir við hjá fyrirtækjum sem seldu barnum á lánakjörum og hafa jafnvel líka fjárfest í fyrrnefndum bréfum. Heildsalan sem seldi Ester vín er gjaldþrota og fyrirtækið sem seldi bjórinn er yfirtekið af keppinauti.

Eftir dramatísk fundahöld og andvökustundir sem standa samfleytt í marga sólarhringa þá ákveða stjórnvöld að bjarga bankanum.

Nýr skattur er lagður á bindindismenn.

Hanskanum er kastað...

... baráttan er hafin.

Fullveldi.

Ósammála.

Heimssýn.

 

 

Ákvörðun um ESB í höndum þjóðarinnar

Tökum þá slaginn.

Vissulega er kominn þingmeirihluti fyrir ESB-viðræðum. Ég tel það hins vegar ekki þýða að meirihluti þjóðarinnar vilji aðild. Það eru tveir flokkar á þingi sem vilja ekki aðild: Sjálfstæðisflokkurinn og Vinstri Grænir. Þessar kosningar snerust að miklu leyti um að refsa Sjálfstæðisflokknum. Hægrimenn kjósa ekki róttækan vinstriflokk. Því miður var framboðið með þeim hætti að ef fólk vildi ekki kjósa Sjálfstæðisflokkinn varð það að kjósa með aðild.
Svo nú höfum við í VG þann valkost að standa hörð gegn ESB, fara úr stjórn og láta fólkinu sem studdi Sjálfstæðisflokkinn til ,,góðra" verka í 18 ár hafa valdataumana eða taka slaginn.
Persónulega tel ég best að taka slaginn. Förum í aðildarviðræður og komumst að því að við fáum engar tilslakanir, Bretar bíða spenntir utan lögsögu. Þjóðin fellir þetta svo í þjóðaratkvæðagreiðslu og við fáum frið fyrir þessari umræðu... í nokkur ár.

Þarf skýrar línur um ESB aðild

Súkkulaðihúðað, saklaust og sætt.

Ekki hvarflar það að mér eitt einasta andartak að fyrirtæki sem gefa stjórnmálaflokki tugi milljóna vilji eitthvað í staðinn. Ekki eitt einasta andartak. Allir sem hugsa þannig eru bara illa innrættir.

Söfnuðu fé fyrir flokkinn

Æ, já,

þetta hef ég haft dálítið á tilfinningunni.

Varar við sjálfsdýrkun

Byrjar það enn...

Fyrir nokkrum árum átti sér stað mikil umræða um drengjamenningu og ,,bága stöðu" drengja í skólakerfinu. Helsta ástæða fyrir þessu átti að vera sú að það væru alltof margar konur við kennslu og skólinn of kvenmiðaður. Rannsóknir sýndu síðan að svo er ekki heldur hefðu uppeldið og heimilin talsvert meira að segja. Undarlegt nokk þá snarþagnaði umræðan. Núna halda sumir að nógu langt sé liðið til að fólk sé búið að gleyma og umræðan fer aftur af stað. Við skulum aðeins skoða málið. Skólinn sem slíkur er fundinn upp af körlum fyrir drengi. Stúlkur læra betur þegar þær eru yngri en strákar þegar þeir fara að þroskast. Nám í skólum þyngist í samræmi við þroska drengja. Fullyrt er að stúlkum gangi betur í námi. Ef það er tilfellið, er það þá þvílíkt vandamál að það verði að bregðast við því? Ég sem kennari get reyndar ekki skrifað undir þetta. Ég sé ekki betur en þetta sé mjög svipað. Eitt sinn t.d. átti ég tilnefna tvo bráðgera nemendur. Ég vildi gjarna tilnefna dreng og stúlku en það vildi þannig til að tveir ,,bestu" nemendurnir voru drengir. Nú tala ég um ,,góða" nemendur út frá einkunnum og áhuga á náminu. Svo kom annar vetur þar sem besti nemandinn var stelpa. Hitt er annað mál að ég hef ýmsar athugasemdir við skólakerfið. Vegna sífellds sparnaðar er lögð meiri áhersla á bóklegt nám. Það er miklu ódýrara. Hægt að hrúga 30 manns í bekkinn og nota sömu bækurnar ár eftir ár. Það hins vegar hentar engan veginn öllum. Það er fullt af nemendum, bæði strákum og stelpum, sem myndi henta miklu betur að vera í e.k. verklegu námi. En það er ekki hægt að koma til móts við þá. Ekki vegna þess að það eru eintómar konur í skólanum heldur vegna þess að það eru engir peningar í skólanum. Er samfélagið tilbúið til að setja meiri peninga í skólann? Onei. Það má vel vera að það sé betra fyrir nemendur að það sé svipað hlutfall karla og kvenna innan skólans þótt ekki sé nema bara til að spegla samfélagið. En til þess þarf að hækka launin. Karlar sætta sig ekki við svona lág laun. Er samfélagið tilbúið til þess? Onei.

Mikill kynjamunur á lyfjatöku